'Buena Vista y Más' taldeak Kubako festa emango du Baluarten martxoaren 16an

Bere estilo paregabearekin eta errepertorio indartsuarekin, Estrellas de Buena Vista eta Más taldea Baluartera iritsiko dira heldu den martxoaren 6an (19:00etan), Kubako musika altuera berrietara eramanez, erritmo tradizionalak eta eragin garaikideak uztartuz. Oholtza gainean 15 musikari izango dira, horien artean Buena Vista Social Club-eko jatorrizko kideak, Kubako musikaren urrezko garaia gogoraraziko duen errepertorioa interpretatuko dutenak. Sarrerak 40 eta 50 euro artean www.baluarte.com web-orrian, Baluarteko txarteldegian eta NICDOk La Morea merkataritza-gunean duen informazio- eta salmenta-puntuan eskura daitezke.

Estrellas de Buena Vista eta Más taldeak Iruñean hasiko du Live In Havana Tour bira, Madril, Bartzelona eta Donostia bisitatu aurretik. Pancho Amat munduko 'tresero' onenaren musika-zuzendaritzapean, kontzertuan Carlos Calunga eta Lázaro Villa kantariak, Ángel Terry perkusionista, Javier Zalba saxofoi-jotzailea, Roberto García tronpeta-jotzailea, Alberto Muñóz tronboi-jotzailea, Fernando Arévalo kontrabaxu-jotzailea eta Osiris Valdés biolin-jotzailea arituko dira. Taldea Kiko Ruiz, Yerián Luis eta Rosalía Gómezen ahotsek, Alain Pérezen tronpetak, Alejandro Falconen pianoak, Jean Roberto San Cristóbalen tinbalak eta Rosenio Perdomoren bongoak osatzen dute.