'Las Noches de Ortega Show' ikuskizuna Baluartera iritsiko da igande honetan

Baluarteko Ganbera Aretoak Juan Carlos Ortegaren unibertsoan inspiratutako Las Noches de Ortega Show umore ikuskizuna hartuko du igandean, hilak 27an, arratsaldeko 19:30ean hasita, Bartzelonako komiko eta aurkezlearen ezaugarri den umore surrealistarekin zipriztindua. Baluarten, Las Noches de Ortega Show emanaldiak Ortegaren dei bereziak, bideo-proiekzioa eta Marco Antonio Aguirre bezalako pertsonaia ezagunak bilduko ditu, besteak beste.

Ikuskizunerako sarrerak 22 eta 24 eurotan eskura daitezke: www.baluarte.com web-gunean, Baluarteko txarteldegian eta La Morea merkataritza-gunean NICDO-k duen salmenta-puntuan.