El Cigala 'Canta a México' birarekin abenduaren 15ean itzuliko da Baluartera

Diego El Cigala Baluarteko Areto Nagusira itzuliko da abenduaren 15ean (18:30ean) Cigala Canta a México biraren baitan. Areto Nagusian egingo den kontzertuan, flamenko kantariak Somos novios, Soy lo Prohibido eta Si tú me dices ven bitxi handiak interpretatuko ditu, besteak beste, mariatxien laguntzarekin. Zehazki, flamenkoa bolero eta rantxerekin uztartzen duen errepertorioa eskainiko da, besteak beste, José Alfredo Jiménez, Vicente Fernández, Chavela Vargas, Javier Solís eta Agustín Lara kondaira handien ondarea.

Sarrerak 60 eta 65 eurotan www.baluarte.com webgunean, Baluarteko txarteldegian eta NICDOk La Morea merkataritza-gunean duen informazio- eta salmenta-puntuan eskura daitezke.

30 urte baino gehiagoko ibilbidea eta 12 disko dituen Diego El Cigala flamenko kantari internazionalena da; mestizaje artista ezagunena eta 70 herrialde baino gehiagotan ezaguna. 7 Grammy sari, 5 Luna Sari, 5 Amigo Sari, 3 Musika Sari eta 2 Ondas Sari irabazi ditu, besteak beste, eta bi milioi disko baino gehiago saldu ditu, baita urrezko hainbat disko ere hainbat herrialdetan. Bere birek 5 kontinenteetako eszenatoki onenetan jardutera eraman dute.