Dani Martinezek 'Remember' ikuskizunaren emanaldi berri bat iragarri du Baluarten

Dani Martinez komiko eta aurkezle leondarrak Remember umore-ikuskizunaren saio berri bat eskainiko du Baluarteko Areto Nagusian 2025eko otsailaren 7an, arratsaldeko 20:30ean hasita, Basoa Produccionesen eskutik. Egun bat geroago, otsailaren 8an, programatutako emanaldirako salmenta ona dela eta jarri da salgai saio berri hau. Sarrerak 20, 22 eta 25 eurotan www.baluarte.com webgunean, Baluarteko leihatilan eta NICDOk La Morea merkataritza-gunean duen informazio- eta salmenta-puntuan eskura daitezke.

Remember ikuskizunak umorez, imitazioz, interakzioz, sorpresaz eta teknologiaz betetako bidaia izango dela agintzen du. Dani Martinezek denboran zehar jauzi bat egingo du, 2050etik gaur egunera, bere publikoarekin hitz egiteko eta etorkizunera begira zer ezin duten ahaztu zuzenean kontatzeko; zehazki, gurera datozenei beren bizitzetako une gogoangarriak gogoratzen lagunduko die, 2050ean desagertu egingo baitira.