Mocedades taldeak 50 urte baino gehiagoko ibilbide artistikoa ospatuko du Baluarten heldu den apirilaren 22an (20:00etan). Horretarako, Izaskun Uranga buru duen talde bilbotarrak beste talde ospetsu bat izango du lagun oholtza gainean, Los Panchos hirukotea, Rafael Basurto Lara bere azken ahotsak ordezkatuta. Baluarteko Areto Nagusian eskainiko duten kontzertuan, talde bakoitzak bere errepertorioak interpretatuko ditu eta gaualdiko hainbat unetan elkarrekin arituko dira. Emanaldian, boleroa eta musika erromantikoa izango dira protagonistak. Sarrerak 32 eta 50 euro bitartean ohiko kanaletan eskura daitezke: www.baluarte.com web-orrian, Baluarteko txarteldegian eta NICDOk La Morean jarri duen salmenta-gune berrian.

 

Mocedades Bizkaiko hiriburuan, Bilbon, sortu zen hirurogeiko hamarkadaren amaieran. Taldeak 30 disko baino gehiago ditu merkatuan eta gaur egun bere arrakasta handiak grabatzen jarraitzen du mundu mailako artistekin batera.