Flamenco on Fire Jaialdiak hamargarren edizioa ospatuko du aurten. Jaialdia abuztuaren 23tik 27ra iritsiko da Baluartera, baina irekiera moduan Miguel Povedaren kontzertua antolatu du Iruñeko auditorioan martxoaren 25ean, arratsaldeko 20:00etan. Flamenko kantariak kontzertu paregabea prestatu du 2023ko biraren baitan. Emanaldian Cantes y poemas del cante jondo aurkeztuko du. Lan honekin kantariak bi alderdi artistiko ezberdin biltzen ditu. Alde batetik, flamenko tradizionala: herri-hizkiak eta egile-letrak, beren oihartzunean berrinterpretatzean berritzen diren formula zaharretan: soleareak, buleriak, malageñak...; bestetik, Federico García Lorcaren poemak musikara egokitzeko egindako lana; horren erakusgarri izan ziren Enlorquecido eta Sonetos y poemas para la libertad albumak. Gainera, 1922ko Granadako Jondo Kantuaren Lehiaketaren mendeurrenaren arrastoan egin zuen, Granadako poeta horrekin hain lotuta egon baitzen. Flamenco on Fire Jaialdiari hasiera emango dion kontzertu honetan, Jesús Guerrero (gitarra), Paquito González (perkusioa), El Londro (koruak eta palmak), Carlos Grilo (palmak) eta Sonia Poveda (dantza) izango ditu lagun Baluarteko agertokian.

 

Sarrerak 45 eta 55 eurotan ohiko kanaletan eskura daitezke: www.baluarte.com webgunean, auditoriumeko txarteldegian eta NICDOk La Morean jarri duen salmenta-gune berrian.