Dena prest dago Giacomo Pucciniren La Bohème opera Baluarten gaur estreinatzeko. Azkeneko bi astetan zehar entsegu biziak egin ondoren, arratsaldeko 19:30ean Areto Nagusiko oihala igoko da italiar musikagilearen lan garrantzitsuenetarikoa den hau eszenaratzeko. Baluarte Fundazioaren 2022/23 Denboraldi Nagusiaren baitan gurean izango dugun opera hitzordu hau igandean berriz ere taularatuko da, arratsaldeko 18:30ean. Bi emanaldietarako sarrerak agortu dira.

 

La Bohéme operan, Puccinik Parisen XX. mendearen hasierako bohemio-biziera islatu eta istorio unibertsal bat eraiki zuen, bohemio-talde baten ilusioen, ametsen eta itxaropenen bidez, gazteriaren erretratua eginez. Gure Areto Nagusian ikusi ahalko den Oviedoko Operaren ekoizpen honetan, Emilio Sagi eszena zuzendariak Mimi eta Rodolfo, Musetta eta Marcelloren maitasun eta zoritxarrei buruzko istorioa XX. mendeko hirurogeiko hamarkadako Parisera lekualdatzen du, eta Pucciniren lanaren intentsitate intenporala erakutsi ere. Baluarten, La Bohème-k lehen mailako hainbat bakarlari espainiar izango ditu protagonista: Airam Hernández (Rodolfo), Miren Urbieta-Vega (Mimí), Raquel Lojendio (Musetta) eta Javier Franco (Marcello). Nafarroako Orkestra Sinfonikoak, AGAOko Abesbatza Lirikoak eta Orfeoiaren Eskolaniak ere parte hartzen dute opera honetan, guztiak Ivan López Reynoso mexikar maisuaren zuzendaritzapean.