Stift Festival Orkestrak bere 20. urteurrena ospatuko du Baluarten apirilaren 22an Vivaldiri eskainitako kontzertuarekin

Baluarteko Areto Nagusiak Vive Vivaldi kontzertua hartuko du heldu den 2026ko apirilaren 22an (19:30ean), Antonio Vivaldiren musikaren gaur egungo omenaldia, Herbehereetako Stift Festival Orkestraren eskutik, bere 20. urteurrena ospatzen ari dena. Taldea bere sortzaileak, Daniel Rowland biolin-jotzaile britainiarrak, zuzenduko du.

Egitarauan, konpositore veneziarraren lan nabarmenenetako batzuk bilduko dira, hala nola La Follia, Lau biolinentzako kontzertua Si Maiorrean eta Biolin, biolontxelo eta sokentzako kontzertua si bemolean, baita sari anitz jaso dituen konpositore argentinar Osvaldo Golijoven Tenebrae obra ere. Kontzertua Max Richteren Recomposed: Vivaldi – The Four Seasons lanarekin amaituko da, Lau urtaroak obra klasikoaren gaur egungo berrinterpretazioa, egungo eszenako konpositore garrantzitsuenetako baten eskutik.

Daniel Rowlandekin batera arituko dira Maja Bogdanovic biolontxelo-jotzailea, Floor Le Coultre biolin-jotzailea, Joel David Munday biolin-jotzailea, Yuval Gotlibovich biola-jotzailea, Nicholas Schwartz kontrabaxu-jotzailea eta Herbehereetako, Erresuma Batuko eta Estatu Batuetako hainbat musikari gonbidatu.

Kontzertu honetarako sarreren prezioa 22,95 € / 29,95 € / 34,95 € da, eta ohiko salmenta-kanaletan jada eskura daitezke: Baluarteko txarteldegian, www.baluarte.com web-orrian eta NICDOk La Morean duen informazio- eta salmenta-gunean.