Jazzy Leap-ek Gabonetako gospel kontzertua berreskuratuko du abenduaren 20an Baluarten

Baluarteko Ganbera Aretoak The New Gospel kontzertua hartuko du abenduaren 20an, 20:00etan, Jazzy Leap Nafarroako Ganbera Abesbatzaren jazz taldearen eskutik. Azkeneko urteetan beste errepertorio batzuk arakatu ondoren, Jazzy Leap gospel musikari eskainitako Gabonetako kontzertu tradizionalera itzuliko da, klasikoak alde batera uzten dituen proposamen batekin, eliza amerikarren barruan eta kanpoan arrakasta duen soinurik berrienean erabat murgiltzeko. The New Gospel kontzertuak generoa ulertzeko modu berri horretan zehar ibilbidea eskaintzen du, Gabonetarako energiaz eta positibotasunez betetako gai sorta batekin. Jazzy Leap-ek eta Jazzy Leap Bandek –pianotik Andoni Arcillak zuzenduta, eta berak ere moldaketa instrumentalak sinatzen dituela– gospela maite dutenak eta publiko orokorra liluratuko dituen ikuskizun bat aurkeztuko dute.

Sarrerak 15,95 eurotan eta 30 urtetik beherakoentzat, 12,95 eurotan, ohiko kanaletan eskura daitezke: www.baluarte.com web-orrian, Baluarteko txarteldegian eta NICDOk La Morean duen informazio- eta salmenta-gunean. Gainera, kontzertua baino hiru egun lehenagotik 30 urtetik beherakoek txartelak 6,95 eurotan erosi ahal izango dituzte (soilik txarteldegian).