Abraham Cupeiro propondrá en Baluarte un viaje sonoro a través de los tiempos

Abraham Cupeiro, "antzinako musikaren artisaua", Baluarteko Ganbera Aretoan izango da datorren azaroaren 10ean (18:30ean), Iraganean oihartzun eginez (Resonando en el pasado) musika proposamenarekin. Musika tresna ugari biltzen dituen bilduma bat da, kontzertu-bakarrizketa baten bidez erakusten duena, non hainbat haize-instrumenturen soinuen bidez gure espeziearen iraganik urrunenera bidaiatzen duen. Proiektu hau Cupeirok berak garai eta leku guztietako instrumentuak ezagutzeko eta berreskuratzeko duen kezkatik sortu zen. Emanaldirako sarrerak 15 eurotan www.baluarte.com webgunean, Baluarteko leihatilan eta NICDOk La Morea merkataritza-gunean duen informazio- eta salmenta-puntuan eskura daitezke.

Iraganean oihartzun eginez lana 2006. urtean argitaratu zen, eta, geroztik, 40.000 pertsonak baino gehiagok gozatu ahal izan dute kontzertuaz. Bertan, Cupeirok instrumentu ugari jotzen ditu: 48.000 urteko hezurrezko txirula batetik hasi eta XIX. mendeko jatorrizko sousaphone handi batera arte.

Abraham Cupeiro (Sarria, 1980) multiinstrumentista eta nazioartean ospe handia duen Espainiako instrumentu bakarraren egileak denboran galdutako instrumentuak berreskuratu ditu sonoritate berriak sortzeko. 100 instrumentu inguru jotzen ditu, mundu osoko eta garai desberdinetako 200dik gorako bildumakoak, eta 50 inguru berak egin ditu. 250 kontzertu inguru eskaini ditu azken urteotan,eta Royal Philharmonic Orchestra, Mahler Chamber Orchestra edo Galiziako Orkestra Sinfonikoa bezalako orkestra ospetsuekin partekatu du agertokia. 2023an, Steven Spielbergekin Netflixen Life on our planet (Gure planetako bizitza) dokumental-sortarako egindako lana nabarmentzen da, baita Suitzako Gstaadeko jaialdi nabarmenean izan zuen presentzia ere.