Nafarroako Orkestrak 2018/2019 Denboraldi berria aurkeztu du

2018ko, maiatzaren 15a
Nafarroako Orkestra Sinfonikoak Construyendo/Eraikitzen lelopean 2018/2019 denboraldi berria aurkeztu du. Urriak 4an hasi eta maiatzak 31ra bitartean, denboraldiak 14 abonu kontzertu eskainiko ditu Baluarten, Manuel Hernández-Silva venezolarra zuzendari titular eta artistiko berria eta Asier Polo biolontxelista entzutetsua artista egoiliarra izango dituela. Sinfonismo modernoak euskarritzat duen errepertorio bikainari helduko dio orkestrak. Horien artean, Mozart, Beethoven, Schubert, Brahms, Schumann, Bruckne, etab. dira aipatzekoak, bai eta orkestra-hizkuntzan aurrekoen lekukoa hartu zuten XX. mendeko klasikoak ere, hala nola Prokofiev, Stravinski, Britten eta Bernstein, eta funtsezko beste izenak, hala nola Txaikovski eta Sibelius, beste askoren artean.
 
Gure artekotzat dugu Nafarroako sinfonismo modernoaren aita, musikari bikaina, haren ondoko belaunaldi guztietan eragina izan zuena, hots, Fernando Remacha, beraren bi lan emanen baitira: Sinfonía a tres tiempos eta Cartel de fiestas. Remachak ederki nabarmenduko du lan berrietan oparo izanen den programazioa. Horrela, gaur egungo nafar batek, Jesús Echeverríak, Perkusiorako kontzertua ondu du Orkestrarako, NOSko Javier Odriozola bakarlariak estreinatuko duena. Beste estreinaldi handia Fernando Velázquezen eskuetan utzi dugu; ospea eman diote zinemarako sortu dituen partiturek, eta orain, Biolontxelorako Kortzertua idatzi du berritik Asier Polo biolontxelo-jole handiarentzat. Asier Polo Baluarte Fundazioko artista egoiliarra izanen da denboraldi berrian, eta Edvard Elgarren Kontzertuan protagonista ere izanen dugu.
 
Beste behin ere, Juanjo Mena izanen dugu gurekin, eta ateak zabalduko dizkiegu Pablo González, Perry So, Alejandro Posada nahiz Christoph König zuzendariei. Aldi berean, leku nabarmena utziko diogu azken bost denboraldi honetan gure zuzendari titular eta artistikoa izandakoari, Antoni Wit-i. Bestalde, harro gaude bakarlari nafarren kalitate handiaz, Sabina Puértolas eta Maite Beaumont buru direla. Biek ere Pergolessiren Stabat Mater lana emanen digute. Gure bihotzeko abesbatza senidea ere izanen dugu gure artean, Iruñeko Orfeoia, denboraldiari hasiera eta bukaera emateko. Bidenabar esanda, denboraldi berrian lehen aldiz arituko zaigu Nafarroako Ganbera Abesbatza, eta Araba Abesbatza ere hartuko dugu, bere ibilbidearen 50. urtemugan.
ampliar noticia

BERRIAK BALUARTE

Pamplona Negra zine beltzeko lau film ekarriko ditu bere bosgarren edizioan

Nafarroako Filmotekaren eskutik, Baluartek lau luzemetrai hartuko ditu urtarrilaren 22tik 25era jatorrizko bertsioan azpitituluekin

Euskaltzaindiaren urteurrena dela eta, Baluartek ‘Mende Berria Kantuz’ kontzertua hartuko du ostiralean

Bilboko Koral Elkarteko Euskeria Koruak eta Paz de Ziganda Ikastolako Helduen Abesbatzak euskal kantutegiko abesti ezagunen bertsio koralak eskainiko dituzte

Hizkuntza gutxiagotuak hizpide Iruñeko nazioarteko biltzarrean bihar eta etzi

Euskaltzaindiaren mendeurreneko hirugarren jardunaldi honetan 21 aditubilduko dira Baluarten

Pamplona Negra datorren astean proposamen berriekin helduko da

Urtarrilaren 22tik 26ra Baluarte eta hiriko zenbait leku intrigaz eta hilketaz beteko dira literatura eta zinema beltzeko jaialdiarekin

Baluartek 400.000 bisitaritik gora jaso zituen 2018an

Urte osoan ikuskizun, bilera, jardunaldi, feria eta erakusketetara 417.281 pertsona gerturatu ziren, Baluarteren historiako bigarren jendetza kopuru onena

'We Love Queen' musikala larunbatean eta igandean izango da Baluarten

Musika, antzerkia eta dantza elkartzen dituen ikuskizun honetarako sarrerak 25 eta 30 eurotan eskura daitezke

Baluarte Txiki zikloak ‘Soñando con Peer Gynt’ ikuskizuna ekarriko du larunbatean

Pianoa lau eskutan eta aktorea dituen hitzordu hau 17.00etan gaztelaniaz eta 18.30ean euskaraz taularatuko da

Pamplona Negra Jaialdiko tailerretan oraindik izena eman daiteke

Eleberri Beltzarena Toni Hill-ek emango du eta programan berria den Kriminologia lantegia José Otín del Castillok eskainiko du

Uso de cookies:
Este sitio web utiliza cookies, tanto propias como de terceros, para recopilar información estadística sobre su navegación. Si continúa navegando, consideramos que acepta su uso. Más información